konsert 20 oktober kl 19.00

Vi er veldig glade for at vi kan ønska Tom Roger Aadland velkomen til Lyngheim tysdag 20. oktober kl. 19!  

Tom Roger Aadland er ein av dei mest kritikarroste artistane i landet de siste åra. Det nyaste albumet hans, «Lysvandring», har hausta strålande meldingar. Musikkbloggen The Wilhelmsens omtalar det som «et mesterverk», og legg til: «Det er lenge siden jeg har hørt et så gjennomført og suverent album». Klassekampen kallar det «et nært og intimt møte med en av våre beste historiefortellere».

«Tom Roger Aadland er en norsk musikalsk skatt som burde vært allemannseie», skreiv hi-fi-magasinet Stereo+ då albumet «Skyer» kom ut. «Han kan til tider minne om en norsk Cohen, i balansegang mellom hverdag og mytologi, Jokke og Homer», kommenterte Klassekampen då albumet «Motgift» ble utgitt. Dagsavisen meinte «det hadde vært på sin plass at Bob Dylan spilte inn disse sangene på engelsk».

Nyleg kom Aadland sine songtekstar ut i bokform. «Alle dei i ei» (Fonna Forlag) fekk flotte kritikkar, gjekk inn på bokhandlarane si bestseljarliste for lyrikk, og blei innkjøpt av Kulturrådet. «Det er ikke mye poesi skrevet til populærmusikk som forsvarer en plass mellom to permer. Tom Roger Aadlands dikt kan», skreiv musikkavisa Puls.

Som låtskriver er Tom Roger Aadland særmerkt av ei eiga evne til å levere sterke tekster kombinert med iøyrefallande melodiar. Ei rekkje av låtane hans har blitt radiofavorittar, og mange kjenner nok igjen songar som «Alle dei i ei» og «Like til mi dør». Han er også kjent som tekstforfattar for bl.a. Hellbillies og Vamp.

Tom Roger Aadland er framleis på vegen – og framleis på veg. Han er kjent som ein energisk utøvar med ei spesiell evne til å formidle innhaldet i ein låt, og han har rykte på seg for alltid å levere varene på scenen.  

Billettprisen er kr. 350.  For å sikra deg billettar, ta kontakt med Astrid Dale på telefoneller sms – 926 82 933.  Eller på e-post: astrid.dale@rottingoy.no. 

Enklaste måten å betala på er å vippsa pengar til Stiftinga Lyngheim – 95680.  Du kan og betala direkte til vår konto 3633.31.79568.  Men hugs å registrera deg hos Astrid, slik at vi veit når vi må setta strek for påmelding.  

Konserten startar kl. 19, men kom gjerne litt før – vi byr på kaffi og noko attåt og ein god prat frå kl. 18. Som vanleg minner vi om at den beste måten å koma til Lyngheim på, er til fots. 

 Beste helsing

Magne Brekke, ​​​​​​​Leiar Stiftinga Lyngheim 

    
Hans Tore Røttingen, Leiar Vener av Lyngheim